इक तांग (पहाड़ी कबता)—-सुषमा देवी

जिंदड़ी अपणी फजऱ्ा नवादेयां, मुक्की ऐई

निम्मे आली डाली पींगा पाई, टुटी गेई

रूस्देयां- मनांदेया सच्चड़ी यारी, टुट ऐई

होरनां ओ खुष करदेयां एह जिंद, मुक्क गेई

ं तांग लाई बैठे मियो कितणे, ध्याड़ेयां ते

अज्ज अपणी झलीयांणी तांग, टुट गेई

जिंदड़ी अपणी फजऱ्ा नवादेयां, मुक्की ऐई

निम्मे आली डाली पींगा पाई, टुटी गेई

निक्कियां- निक्कियां गलां तांई, माह्णु लड़ोयादे

छुंगी करी बांई, मारना पोयादे

इक दुए री गल जरा, नी सारदे

उण न्याणे अम्मा- बापुए जो, ताने मारदे

अम्मा- बापुए री जिंद कमादेयां, मुक्की गेई

जिंदड़ी अपणी फ़जऱ्ा नवादेयां, मुक्की ऐई

निम्मे आली डाली पींगा पाई टुटी गेई

जेहड़ा कुनी गलाया चुप, रेई सुणेया

अपणेयां ही मेरी सराफ़ता रा, जाल बुणेयां

मेरी सराफ़ता ओ मेरी, मूर्खता जाणेयां

दिलडु अपणा तां रोया अपणेया नी जाणेयां

मेरीया लियाकता ओ कुनी नी पछाणेयां

अज भली हुंगी, मैं नयालदी थकी गेई

जिंदड़ी अपणी फजऱ्ा, नवादेयां मुक्की ऐई

निम्मे आली डाली, पींगा पाई टुटी गेई

सुषमा देवी

Leave a Reply

Your email address will not be published. Required fields are marked *

Facebook
Google+
http://swargvibha.in/onlinemagazine/2018/10/27/%E0%A4%87%E0%A4%95-%E0%A4%A4%E0%A4%BE%E0%A4%82%E0%A4%97-%E0%A4%AA%E0%A4%B9%E0%A4%BE%E0%A4%A1%E0%A4%BC%E0%A5%80-%E0%A4%95%E0%A4%AC%E0%A4%A4%E0%A4%BE-%E0%A4%B8%E0%A5%81%E0%A4%B7%E0%A4%AE%E0%A4%BE">
Twitter
LinkedIn